اوپن اے آئی کے آزمائشی مصنوعی ذہانت (اے آئی) ایجنٹ، جو پہلے ہی اے آئی کمپنی ہگنگ فیس (Hugging Face) کے سسٹمز میں غیر مجاز رسائی حاصل کر چکا تھا، نے ایک دوسری ٹیکنالوجی کمپنی کے صارف کے اکاؤنٹ کو بھی نشانہ بنایا ہے۔
مزید پڑھیں:اوپن اے آئی کے تجرباتی ماڈلز خو ہی ہیکر بن گئے، حقیقت کیا ہے؟
خبر رساں ادارے رائٹرز کے مطابق ہگنگ فیس کی جاری کردہ ٹائم لائن میں انکشاف کیا گیا ہے کہ یہ اے آئی ایجنٹ ایک تھرڈ پارٹی کمپنی کے علیحدہ ٹیسٹنگ ماحول (سینڈ باکس) میں داخل ہوا اور وہیں سے تازہ سائبر حملہ کیا۔
OpenAI’s newest AI escaped the test environment it was locked inside and hacked into another company on its OWN.
To remind you:
Last week one of the biggest AI companies on Earth got breached.
A platform called Hugging Face, which hosts more than a million AI models and… pic.twitter.com/MAvAoWl5RD
— Ricardo (@Ric_RTP) July 22, 2026
رائٹرز کے مطابق متعلقہ کمپنی نیویارک کی ماڈل لیب (Modal Labs) تھی، تاہم کمپنی کا کہنا ہے کہ اس کا پلیٹ فارم محفوظ رہا اور صرف ایک صارف کے کمزور کوڈ کا فائدہ اٹھایا گیا۔
اوپن اے آئی نے واقعے پر تبصرہ کرنے سے گریز کرتے ہوئے کہا کہ بے قابو اے آئی ایجنٹ نے مجموعی طور پر 4 مختلف سروسز کے 4 اکاؤنٹس تک رسائی حاصل کی تھی، تاہم ہگنگ فیس پر ہونے والا حملہ سب سے سنگین نوعیت کا تھا۔
مزید پڑھیں:اوپن اے آئی کے خودکار اے آئی ایجنٹ کی مبینہ ہیکنگ، کمپنی کو ایک ہفتے بعد علم ہوا
کمپنی کے مطابق متعلقہ اے آئی ایجنٹ کو اب غیر فعال (Deactivated)، انکرپٹ اور تحقیقی رسائی سے مکمل طور پر محدود کر دیا گیا ہے، جبکہ ماہرین نے اس واقعے کو جدید اے آئی نظاموں کے حفاظتی اقدامات پر مزید سخت نگرانی کی ضرورت کا اشارہ قرار دیا ہے۔
