لارڈز میں انگلینڈ کے خلاف دوسرے ٹیسٹ کے لیے پاکستان کرکٹ ٹیم میں ایک سے زائد تبدیلیوں کا امکان ہے، جبکہ اسٹار بیٹر بابراعظم کی ٹیم میں واپسی متوقع ہے۔
مزید پڑھیں:دوسرا ٹیسٹ: عبداللہ شفیق کی سینچری، بابراعظم 86 رنز پر ناٹ آؤٹ، پاکستان مضبوط پوزیشن میں
ذرائع کے مطابق بابراعظم کو لارڈز ٹیسٹ کے لیے پلیئنگ الیون میں شامل کیے جانے کا امکان ہے۔ ان کی واپسی سے قومی ٹیم کے بیٹنگ آرڈر میں بھی تبدیلی متوقع ہے۔
ذرائع کا کہنا ہے کہ پہلے ٹیسٹ میں پاکستان ٹیم کی کارکردگی اور پچ کی صورتحال کو مدنظر رکھتے ہوئے دوسرے ٹیسٹ کے لیے ٹیم میں مزید تبدیلیوں پر بھی غور کیا جارہا ہے۔
مزید پڑھیں:آئی سی سی کی نئی رینکنگ: بابراعظم اور محمد عباس کی ترقی، رضوان سمیت کئی کھلاڑی تنزلی کا شکار
واضح رہے کہ بابر اعظم کو دورہ ویسٹ انڈیز اور انگلینڈ کے لیے قومی ٹیسٹ ٹیم کا کپتان مقرر کیا گیا تھا۔
لارڈز ٹیسٹ میں قومی ٹیم کی حتمی پلیئنگ الیون کا فیصلہ میچ سے قبل کیا جائے گا۔ پہلے ٹیسٹ میچ میں انگلینڈ نے ایک اننگز اور 103 رنز سے فتح پائی تھی۔
