پاکستانی شوبز انڈسٹری کے معروف اداکار معمر رانا نے اپنی ازدواجی زندگی سے متعلق طلاق کی افواہوں پر گفتگو کرتے ہوئے شادی بچانے کی خواہش کا اظہار کیا ہے۔
حال ہی میں ایک پوڈکاسٹ میں گفتگو کے دوران اداکار نے انکشاف کیا کہ انہوں نے عدالت کی بعض دستاویزات پر دستخط کیے ہیں، تاہم ان کے بقول انہیں ان دستاویزات کی اصل تفصیلات کا علم نہیں ہے۔
View this post on Instagram
معمر رانا کا کہنا تھا کہ وہ اب بھی اپنی ازدواجی زندگی کو بچانا چاہتے ہیں اور انہیں امید ہے کہ حالات بہتر ہو سکتے ہیں۔ انہوں نے واضح کیا کہ وہ اپنے رشتے کا خاتمہ نہیں چاہتے بلکہ چاہتے ہیں کہ اختلافات دور ہوں اور ان کی شادی برقرار رہے۔
اداکار کے اس بیان پر سوشل میڈیا صارفین کی جانب سے مختلف ردعمل سامنے آ رہے ہیں۔ کئی صارفین نے ان کے لیے نیک خواہشات کا اظہار کرتے ہوئے دعا کی کہ ان کی ازدواجی زندگی برقرار رہے اور وہ اپنی اہلیہ کے ساتھ خوشگوار زندگی گزاریں۔ دوسری جانب بعض صارفین نے معمر رانا کی ازدواجی مشکلات کو ان کی مبینہ نشے کی لت سے جوڑتے ہوئے تبصرے کیے۔
