عالمی مارکیٹ میں سونے کے نرخ کم ہونے کے اثرات مقامی مارکیٹ پر بھی مرتب ہوئے ہیں جس کے نتیجے میں ہفتے کے روز پاکستان میں سونے کی قیمتوں میں مسلسل 5ویں روز بھی کمی ریکارڈ کی گئی۔
یہ بھی پڑھیں: سونے کی قیمت میں بڑی کمی، فی تولہ کتنے ہزار روپے سستا ہوگیا؟
آل پاکستان جیمز اینڈ جیولرز صرافہ ایسوسی ایشن (APGJSA) کے جاری کردہ اعداد و شمار کے مطابق دن بھر میں 2,500 روپے کی کمی کے بعد فی تولہ سونے کی قیمت 4,22,036 روپے پر آ گئی۔
یاد رہے کہ جمعہ کے روز فی تولہ سونا 7,000 روپے کی کمی کے بعد 424,536 روپے پر بند ہوا تھا۔
مزید پڑھیے: پاکستانی روپیہ گزشتہ روز کے مقابلے میں 3 فیصد بڑھ گیا، ڈالر کی قیمت اب کتنی؟
علاوہ ازیں 2,144 روپے کی کمی کے بعد 10 گرام سونا 3,61,827 روپے میں فروخت ہوا۔
عالمی مارکیٹ
بین الاقوامی مارکیٹ میں فی اونس سونے کی قیمت میں 25 ڈالر کی کمی واقع ہوئی جس کے بعد عالمی نرخ 3,995 ڈالر فی اونس پر آ گئے۔
چاندی کی قیمت
مقامی مارکیٹ میں فی تولہ چاندی کی قیمت میں بھی 7 روپے کی کمی ریکارڈ کی گئی جس کے بعد چاندی 5,858 روپے فی تولہ پر بند ہوئی۔
