بیرون ملک سے جعلی دستاویزات پر پاکستان آنے والے افغان مسافر کو کراچی ایئرپورٹ سے گرفتار کر لیا گیا ہے۔
ایف آئی اے امیگریشن نے کراچی ایئرپورٹ پر کارروائی کرکے جعلی پاسپورٹ پر بیرون ملک سے پاکستان آنے والے افغان مسافر کو گرفتار کر لیا ہے۔
مزید پڑھیں
ایف آئی اے کے مطابق ملزم غلام حضرت فلائٹ نمبر SV700 کے ذریعے سعودی عرب سے پاکستان پہنچا تھا، امیگریشن کے دوران افغان ملزم کی جانب سے پیش کیا جانے والا پاکستانی پاسپورٹ جعلی نکلا۔
ابتدائی تفتیش کے مطابق ملزم نے ایجنٹ کی ملی بھگت سے مذکورہ پاکستانی پاسپورٹ حاصل کیا تھا اور اسی جعلی پاسپورٹ پر افغانستان سے سعودی عرب گیا تھا۔
ایف آئی اے نے ملزم کو مزید قانونی کارروائی کے لیے اینٹی ہیومن ٹریفکنگ سرکل کراچی منتقل کر دیا ہے۔