وزیر خارجہ سینیٹر اسحاق ڈار کی گیمبیا کے شہر بنجول میں 15ویں او آئی سی اسلامی سربراہی کانفرنس کے موقع پر جمہوریہ آذربائیجان کے وزیر خارجہ جیہون بیراموف سے ملاقات میں دوطرفہ تعلقات پر تبادلہ خیال کیا گیا ہے۔
مزید پڑھیں
دفتر خارجہ کے مطابق دونوں ممالک میں تجارت، رابطے، توانائی اور عوام سے عوام کے رابطوں سمیت مختلف شعبوں میں دوطرفہ تعاون کو مزید گہرا کرنے کا عزم دہرایا گیا جبکہ خاص طور پر سیاسی سطح پر بات چیت اور تعلقات کو وسعت دینے پر اتفاق کیا گیا۔
وزیر خارجہ سینیٹر اسحاق ڈار نے باکو کو COP29 کی میزبانی کے لیے نامزد ہونے پر جمہوریہ آذربائیجان کے وزیر خارجہ جیہون بیراموف کو مبارکباد بھی پیش کی۔ ملاقات میں موسمیاتی تبدیلی سے نمٹنے میں تعاون اور تجربے کے تبادلے میں پاکستان نے دلچسپی کا اظہار کیا۔
وزیر خارجہ اسحاق ڈار نے بھارت کے غیر قانونی طور پر مقبوضہ جموں و کشمیر کے لوگوں کے منصفانہ کاز پر آذربائیجان کے مضبوط اور اصولی مؤقف کی بھی تعریف کی۔
