خیبرپختونخوا کے وزیراعلیٰ علی امین گنڈاپور کو بانی پاکستان تحریک انصاف عمران خان سے ملاقات کی اجازت نہ مل سکی۔
یہ بھی پڑھیں توشہ خانہ 2 کیس میں رہائی کا حکم، کیا عمران خان جیل سے باہر آسکیں گے؟
میڈیا رپورٹس کے مطابق علی امین گنڈاپور اپنے پروٹوکول کے ہمراہ عمران خان سے ملاقات کے لیے اڈیالہ جیل کے باہر پہنچے مگر جیل حکام نے انہیں بانی پی ٹی آئی سے ملاقات کی اجازت نہ دی۔
وزیراعلیٰ خیبرپختونخوا علی امین گنڈاپور کو اڈیالہ جیل کے باہر روکا گیا اور وہ اپنے پروٹوکول کے ہمراہ گیٹ نمبر 5 کے باہر موجود رہے۔
بعدازاں جیل عملے نے وزیراعلیٰ علی امین گنڈاپور کو بتایا کہ ابھی ملاقات کے حوالے سے کوئی اطلاع نہیں۔
یہ بھی پڑھیں بعض پی ٹی آئی رہنما چاہتے ہیں عمران خان جیل سے رہا نہ ہوں، شیر افضل مروت
جیل عملے کے مؤقف کے بعد علی امین گنڈاپور اپنے پروٹوکول کے ہمراہ اڈیالہ جیل کے باہر سے روانہ ہوگئے۔
