آسٹریلوی اسپن لیگینڈ شین وارن کے خاندان کو راجستھان رائلز کی فروخت سے قریباً 450 کروڑ بھارتی روپے (13 ارب 73 کروڑ پاکستانی روپے) حاصل ہوں گے۔ وارن نے 2008 میں آئی پی ایل کے پہلے سیزن سے قبل راجستھان رائلز کے ساتھ معاہدہ کرتے ہوئے ایک شرط رکھی تھی، جس کے تحت ہر سیزن کے لیے ان کو 0.75 فیصد ملکیت کا حصہ ملتا۔ وارن نے ٹیم میں کپتان اور کرکٹ آپریشنز پر مکمل کنٹرول حاصل کیا تھا۔
مزید پڑھیں:شین وارن یا مرلی دھرن؟ برائن لارا کو زیادہ خطرناک بولر کون لگا؟
بھارتی میڈیا کے مطابق وارن نے راجھستان رائلز کے ساتھ 4 سیزن گزارے اور 2008 کے افتتاحی سیزن میں ٹیم کو ٹائٹل جتوایا۔ ان کا کل حصہ 3 فیصد تک پہنچ گیا، اور اب جب فرنچائز 1.63 ارب امریکی ڈالر میں امریکی کنسورشیم کو فروخت ہوئی ہے، تو وارن کے خاندان کو اس کا حصہ نقد رقم میں حاصل ہوگا۔
مزید پڑھیں:شین وارن کے کمرے سے طاقت کی ممنوعہ ادویات ملی تھیں، نئی رپورٹ میں انکشاف
وارن 2022 میں انتقال کر گئے تھے، لیکن ان کی بصیرت نے یہ یقینی بنایا کہ ان کے خاندان کو 18 سال پرانا یہ معاہدہ مالی فائدہ دے گا۔ خاندان کو یہ حصہ 2026 کے آئی پی ایل سیزن کے اختتام کے بعد بیچنے اور نقد حاصل کرنے کی اجازت ہوگی، بشرطیکہ بھارت کے کرکٹ کنٹرول بورڈ (بی سی سی آئی) کی منظوری حاصل ہو۔
