جرمن انفلوئنسر لزلاز نے ویرات کوہلی سے منسوب حالیہ سوشل میڈیا واقعے پر اپنا ردِعمل دیتے ہوئے کہا ہے کہ انہیں اس صورتحال پر کھلاڑی کے لیے افسوس ہوا۔
یہ تنازع اس وقت سامنے آیا جب ویرات کوہلی کے انسٹاگرام اکاؤنٹ سے جرمن انفلوئنسرکی ایک تصویر کو مبینہ طور پر لائیک کیا گیا جس کے بعد یہ معاملہ سوشل میڈیا پر تیزی سے وائرل ہوگیا۔ بعد ازاں رپورٹ کیا گیا کہ یہ لائیک ہٹا دیا گیا جس نے مزید بحث کو جنم دیا۔
لزلاز نے اس واقعہ پر بات کرتے ہوئے کہا کہ وہ ابتدا میں اس توجہ پر خوش ہوئیں مگر بعد میں اس بات پر حیران رہ گئیں کہ ایک معمولی سوشل میڈیا ایکشن اتنا بڑا معاملہ بن گیا۔
انہوں نے کہا کہ میں نے حقیقت میں ان کے لیے افسوس محسوس کیا۔ میں خوش تھی کہ انہوں نے میری پوسٹ کو لائیک کیا لیکن جب بعد میں وہ لائیک ہٹا دیا گیا تو مجھے ان کے لیے برا لگا۔ مجھے سمجھ نہیں آیا کہ یہ اتنی بڑی خبر کیسے بن گئی شاید یہ ان کی نیت نہیں تھی لیکن پھر بھی میں ان کی سپورٹ کی قدر کرتی ہوں۔
یہ بھی پڑھیں: ویرات کوہلی کا جرمن وی لاگر کی پوسٹ پر لائک، پھر ریموو، یہ خاتون کون ہیں؟
انہوں نے مزید بتایا کہ انہیں اس واقعے کا علم بھی اس وقت ہوا جب یہ خبر میڈیا پر آ چکی تھی اور متعدد افراد نے انہیں اس حوالے سے پیغامات بھیجے۔
یہ پہلا موقع نہیں جب ویرات کوہلی کی سوشل میڈیا سرگرمی خبروں کی زینت بنی ہو۔ اس سے قبل 2025 میں بھی ان کے اکاؤنٹ سے اداکارہ و انفلوئنسر اوینیٹ کور کی ایک تصویر کو مبینہ لائیک کیے جانے کا معاملہ سامنے آیا تھا۔
بعد ازاں ویرات کوہلی نے وضاحت دیتے ہوئے کہا تھا کہ یہ ایک تکنیکی یا الگورتھم غلطی تھی اور اس میں کسی قسم کا ارادی عمل شامل نہیں تھا لہٰذا غیر ضروری قیاس آرائیوں سے گریز کیا جائے۔
