امریکی صدر ڈونلڈ ٹرمپ نے ایران کی جانب سے جنگ کے خاتمے کے لیے امریکا کی پیش کردہ تجویز پر دیے گئے جواب کو مکمل طور پر ناقابلِ قبول قرار دیا ہے۔
صدر ٹرمپ نے اتوار کے روز ایران پر تنقید کرتے ہوئے کہا کہ تہران امریکا اور دنیا کے ساتھ کھیل کھیل رہا ہے۔
یہ بھی پڑھیں: ڈونلڈ ٹرمپ ایران کے ساتھ معمولی نہیں وسیع تر معاہدہ کرنا چاہتے ہیں، جے ڈی وینس
میڈیا رپورٹس کے مطابق تہران نے امریکی منصوبے کے جواب میں ایک متبادل تجویز پیش کی ہے، جس میں جنگی نقصانات کے ازالے کے لیے معاوضے کا مطالبہ اور آبنائے ہرمز پر ایران کی خودمختاری کو تسلیم کرنے کی شرط شامل ہے۔
US President Donald Trump has rejected Iran’s response to a US-backed proposal aimed at ending the ongoing conflict in the Middle East, describing Tehran’s reply as “totally unacceptable.”
According to international media reports, Iran had submitted its response through… pic.twitter.com/ICh1gpIitc
— NewsWire 🇱🇰 (@NewsWireLK) May 10, 2026
تاہم رپورٹوں میں ایران کے جوہری پروگرام کا ذکر نہیں کیا گیا، جبکہ یہی معاملہ امریکا اور ایران کے درمیان بنیادی تنازعات میں شامل رہا ہے۔
دوسری جانب اسرائیلی وزیراعظم نیتن یاہو نے کہا ہے کہ اب وقت آگیا ہے کہ اسرائیل امریکی فوجی امداد پر اپنا انحصار کم کرے۔
مزید پڑھیں: ٹرمپ ایران میں زمینی فوج بھیج سکتے ہیں، امریکی قانون سازوں نے خدشہ ظاہر کردیا
انہوں نے امریکی نشریاتی ادارے سی بی ایس سے گفتگو کرتے ہوئے کہا کہ وہ امریکا کی جانب سے سالانہ 3.8 ارب ڈالر کی فوجی امداد کو بتدریج ختم کرکے ’صفر‘ تک لانا چاہتے ہیں۔
ادھر ایران کی فوج نے خبردار کیا ہے کہ تہران پر پابندیاں نافذ کرنے والے ممالک کو آبنائے ہرمز سے گزرنے والے اپنے بحری جہازوں کے حوالے سے مشکلات کا سامنا کرنا پڑ سکتا ہے۔
حالیہ عرصے میں ایران اور امریکا کے درمیان خطے کی اہم بحری گزرگاہوں میں حملوں اور کشیدگی کے واقعات بھی سامنے آئے ہیں۔
