بھارتی کپتان شریاس ایئر کی شاندار سینچری کی بدولت بھارت نے 5 میچوں کی سیریز کے پہلے ٹی20 میچ میں ویسٹ انڈیز کو 8 وکٹوں سے شکست دے دی۔
ویسٹ انڈیز کی جانب سے دیے گئے 172 رنز کے ہدف کے تعاقب میں شریاس ایئر نے جارحانہ بیٹنگ کرتے ہوئے صرف 43 گیندوں پر ناقابلِ شکست 102 رنز بنائے۔
یہ بھی پڑھیں: بھارت کو فائدہ پہنچانے پر ویسٹ انڈیز کے لیجنڈ بولر آئی سی سی پر برس پڑے
ان کی اننگز میں 10 چوکے اور 6 چھکے شامل تھے۔ بھارت نے ہدف 32 گیندیں قبل ہی 2 وکٹوں کے نقصان پر حاصل کرلیا۔
بھارت کی جانب سے ابھیشیک شرما نے ابتدا میں تیز رفتار 21 رنز بنائے، تاہم روسٹن چیز نے انہیں 10 گیندوں پر آؤٹ کردیا۔
44/3 in the Powerplay.
91/5 in the Middle overs.
36/2 in the Death overs.WEST INDIES BOWLED OUT FOR 171 IN THE 1ST T20I v INDIA. pic.twitter.com/d3KewJtH5u
— Rana Ahmad. (@AhmadRana056) October 6, 2026
اس کے بعد سنجو سیمسن بھی جلد پویلین لوٹ گئے جب بھارت کا اسکور 2 وکٹوں کے نقصان پر 35 رنز تھا۔
شریاس ایئر اور ایشان کشن نے ذمہ دارانہ اور جارحانہ بیٹنگ کرتے ہوئے اننگز کو سنبھالا اور تیسری وکٹ کے لیے 67 گیندوں پر ناقابلِ شکست 137 رنز کی شراکت قائم کرکے بھارت کو با آسانی فتح سے ہمکنار کردیا۔
مزید پڑھیں: ویسٹ انڈیز نے آئی سی سی پلیئر آف دی منتھ کے دونوں اعزاز جیت لیے
اس سے قبل بھارت نے ٹاس جیت کر ویسٹ انڈیز کو پہلے بیٹنگ کی دعوت دی، مہمان ٹیم نے پاور پلے کے دوران ہی 44 رنز پر 3 وکٹیں گنوا دیں۔
ارشدیپ سنگھ نے کمل پورن کو 12 رنز پر آؤٹ کیا، جبکہ شمروں ہیٹمائر اور روومین پاول بھی زیادہ دیر وکٹ پر نہ ٹھہر سکے۔
🚨 1st T20I India vs West Indies 🚨
India 🇮🇳 : 1️⃣7️⃣2️⃣-2️⃣ (14.4)
– Shreyas Iyer* : 102 (43)
– Ishan Kishan* : 37 (27)• Akeal Hossain : 1-37 (4)
India 🇮🇳 Won by 8️⃣ Wickets#INDvWI #INDvsWI #WIvINDpic.twitter.com/PksapUaaXn https://t.co/Dr9Pu71H0t
— Cricket Lover 🏏 (@Crick97924Lover) October 6, 2026
اوپنر شائی ہوپ نے شیرفین ردرفورڈ کے ساتھ مل کر اننگز کو سنبھالا اور چوتھی وکٹ کے لیے 63 رنز کی شراکت قائم کی۔
نمن دھیر نے ویسٹ انڈیز کے کپتان شائی ہوپ کو 37 گیندوں پر 52 رنز بنانے کے بعد پویلین بھیج دیا۔
مزید پڑھیں: پاکستان، انگلینڈ اور سری لنکا کی ٹرائی سیریز کے لیے میچ آفیشلز کا اعلان
درمیانی اوورز میں نمن دھیر اور کلدیپ یادیو نے ویسٹ انڈیز کی بیٹنگ لائن کو مشکلات سے دوچار کیے، جبکہ مایانک یادیو نے شیرفین ردرفورڈ کی 56 رنز کی اننگز کا خاتمہ کیا۔
آخر میں اکشر پٹیل نے ویسٹ انڈیز کی آخری وکٹیں سمیٹ لیں اور مہمان ٹیم کے تمام کھلاڑی 20ویں اوور کی پہلی گیند پر 171 رنز بنا کر آؤٹ ہوگئے۔
