بالی ووڈ کی معروف جوڑی کرینہ کپور اور سیف علی خان نے اپنی شادی کی 14ویں سالگرہ منالی۔ دونوں نے اس خاص موقع پر اپنی زندگی کے یادگار لمحات اور خاندانی تصاویر مداحوں کے ساتھ شیئر کیں۔
کرینہ کپور اور سیف علی خان نے جمعہ 16 اکتوبر کو شادی کی سالگرہ منائی۔ کرینہ نے اپنے انسٹاگرام اکاؤنٹ پر تصاویر کا مجموعہ شیئر کیا، جس میں دونوں کے ابتدائی دور کے تعلقات، خاندانی تعطیلات اور اپنے بیٹوں تیمور اور جہانگیر کے ساتھ گزارے گئے خوشگوار لمحات شامل ہیں۔
یہ بھی پڑھیں: سیف علی خان نے انسٹاگرام پر اکاؤنٹ بنا ہی لیا، نوجوان مداحوں کی جانب سے ’جین زی کے سب سے پرانے ممبر‘ کا خطاب
کرینہ کپور نے تصاویر کے ساتھ پیغام لکھا، ‘ایک اور سال گزر گیا، ہمیشہ ساتھ رہنا ہے۔’ انہوں نے اس پوسٹ میں اپنے شوہر سیف علی خان کو بھی ٹیگ کیا، جنہوں نے اسی ہفتے پہلی مرتبہ اپنا انسٹاگرام اکاؤنٹ متعارف کرایا تھا۔
View this post on Instagram
دوسری جانب سیف علی خان نے بھی شادی کی سالگرہ کے موقع پر اپنے انسٹاگرام اکاؤنٹ پر تصاویر شیئر کیں۔ یہ ان کی جانب سے انسٹاگرام پر دوسری پوسٹ تھی، جس میں 3 تصاویر شامل تھیں۔
پہلی تصویر میں سیف علی خان سفید کوٹ اور سیاہ پتلون میں نظر آئے، جبکہ دوسری تصویر میں وہ کرینہ کپور کے ساتھ موجود تھے۔ کرینہ نے اس موقع پر الیگزینڈر تیریخوف کا تیار کردہ گہرے نیلے رنگ کا چمکدار لباس زیب تن کیا ہوا تھا۔
یہ بھی پڑھیں: کرینہ کپور اور سیف علی خان میں سے ’آئی لو یو‘ پہلے کس نے بولا؟
سیف نے تیسری تصویر میں کرینہ کپور اور اپنے دونوں بیٹوں تیمور اور جہانگیر کے ساتھ خاندانی تصویر بھی شیئر کی، جس میں بچوں اور اہل خانہ کے چہروں کو سرخ دل والے ایموجیز سے چھپایا گیا تھا۔
سیف علی خان نے تصاویر کے ساتھ لکھا، ‘تقریباً بہترین، لیکن کچھ کمی ہے۔’ دوسری اور تیسری تصویر کے ساتھ انہوں نے مزید لکھا، ‘اب بات بنی، یہ بالکل بہترین ہے! سالگرہ مبارک ہو، میری محبت۔’
سیف اور کرینہ کی محبت کی کہانی
سیف علی خان اور کرینہ کپور نے 16 اکتوبر 2012 کو ممبئی میں شادی کی تھی۔ دونوں نے شادی سے قبل 5 سال تک ایک دوسرے کو ڈیٹ کیا۔
View this post on Instagram
رپورٹس کے مطابق دونوں کے درمیان قربت 2008 میں ریلیز ہونے والی فلم ‘ٹشن’ کی شوٹنگ کے دوران بڑھی، جس کی ہدایت کاری وجے کرشنا آچاریہ نے کی تھی۔
جوڑے نے سیف علی خان کی باندرہ میں واقع رہائش گاہ پر نجی طور پر رجسٹرڈ شادی کی، جس کے بعد روایتی تقریبات منعقد کی گئیں۔ ان تقریبات میں سنگیت، نکاح اور استقبالیہ شامل تھے۔
