ناروے کی ملکہ میٹے مارٹ نے ملکہ بننے کے بعد پہلی بار نجی پیغام جاری کردیا۔ انہوں نے شاہی ذمہ داریوں سے وقفہ لینے اور پھیپھڑوں کی پیوند کاری کی اہم سرجری کے بعد ایک شاہی نمائش کے حوالے سے اپنے خیالات کا اظہار کیا ہے۔
ناروے کے شاہی خاندان نے جمعے کے روز اپنے سرکاری انسٹاگرام اکاؤنٹ پر ملکہ کی ایک تصویر شیئر کی، جس میں وہ اپنے مطالعے کے کمرے میں لکڑی کے بڑے کھڈی نما آلے پر بیٹھی نظر آرہی ہیں۔ تصویر میں ملکہ نے سادہ لباس پہن رکھا ہے۔
یہ بھی پڑھیں: ناروے کے ولی عہد کی اہلیہ میٹے مارٹ کے جیفری ایپسٹین سے تعلقات پر وزیراعظم کا ردعمل
ملکہ میٹے مارٹ نے اپنے پیغام میں کہا کہ جب وہ کھڈی کے سامنے بیٹھتی ہیں تو بہت سی چیزیں پرسکون ہوجاتی ہیں۔ کھڈی پر وقت آہستہ گزرتا ہے اور کام میں جلدی کرنا ممکن نہیں ہوتا۔ کپڑا بُننے میں وقت لگتا ہے، لیکن یہ عمل انہیں وقت، جگہ اور سکون بھی فراہم کرتا ہے۔
View this post on Instagram
انہوں نے مزید کہا کہ کھڈی ملک کی مشترکہ تاریخ کی بھی نمائندگی کرتی ہے۔ ناروے میں ہزاروں سال سے بُنائی کا کام ہوتا آرہا ہے اور اسے روزمرہ ضروریات کے ساتھ فن کے طور پر بھی استعمال کیا جاتا رہا ہے۔
ملکہ کے پیغام میں بتایا گیا کہ شاہی مجموعے میں موجود تاریخی ٹیپسٹریز کی نمائش میں 1899 سے 1955 کے درمیان تیار کیے گئے فن پارے پیش کیے گئے ہیں، جو تاریخ اور ثقافتی ورثے کو محفوظ رکھنے میں اہم کردار ادا کرتے ہیں۔
یہ بھی پڑھیں: شاہ ہاکون ہشتم نے ناروے کی سلطنت سنبھال لی
‘تھریڈز اِن ٹائم’ کے نام سے یہ نمائش 15 اکتوبر کو شاہی خاندان کے سوگ کے باعث عارضی طور پر بند کردی گئی تھی، جو اب دوبارہ کھولی گئی ہے۔
ملکہ میٹے مارٹ اگست 2026 میں اپنے شوہر ہاکون ہشتم کے تخت نشین ہونے کے بعد ناروے کی ملکہ بنی تھیں۔ انہوں نے صحت کے مسائل اور پھیپھڑوں کی پیوند کاری کی سرجری کے باعث شاہی ذمہ داریوں سے وقفہ لیا تھا۔
