کوئٹہ کے فاطمہ جناح اسپتال میں زیر علاج کانگو وائرس سے متاثرہ ایک شخص انتقال کرگیا جبکہ 2 نئے مریض رپورٹ ہوئے ہیں۔
میڈیا رپورٹس کے مطابق 35 سالہ منصور نامی شخص کو 3 روز قبل فاطمہ جناح اسپتال میں منتقل کیا گیا تھا۔ جب مریض کے ٹیسٹ کیے گئے تو کانگو وائرس کی تصدیق ہو گئی۔
فاطمہ جناح اسپتال میں کانگو کے شبے میں 2 نئے مریضوں کو داخل کرایا گیا ہے۔ 40 سالہ شخص حیات قصائی ہے جسے تشویشناک حالت میں اسپتال لایا گیا۔ اس کے علاوہ 60 سالہ عبدالستار کو بھی ناک اور منہ سے خون آنے کی شکایت پر اسپتال منتقل کیا گیا۔
دونوں مریضوں کے خون کے نمونے ٹیسٹ کے لیے بھیج دیے گئے ہیں۔
واضح رہے کہ رواں سال کانگو کے 20 کیسزرپورٹ ہوئے جبکہ 8 افراد اس وائرس میں مبتلا ہونے کے باعث انتقال کر گئے۔
