لاہور کے سرگنگا رام اسپتال میں زیرعلاج 5 سالہ بچی کو صفائی عملے کے ایک رکن نے مبینہ زیادتی کا نشانہ بنادیا جبکہ اسپتال انتظامیہ کی جانب سے واقعہ کو دبانے کی کوشش کی جارہی ہے۔
بچی سے زیادتی کا واقعہ اسپتال کے مدر اینڈ چائلڈ سینٹر کے ساتویں فلور پر پیش آیا۔ واقعہ کے خلاف سر گنگا رام اسپتال کے باہر ڈاکٹرز اور نرسیں بڑی تعداد میں نکل آئیں اور اپنا احتجاج ریکارڈ کروایا۔
یہ بھی پڑھیں: ٹیکسلا میں خیرات کی آس دلاکر 10 سالہ بچی سے زیادتی
مظاہرین نے بچیوں سے زیادتی کرنے والوں کے خلاف پوسٹرز بھی اٹھا رکھے تھے، مظاہرین کا کہنا تھا کہ کب تک خواتین ہوس کے پجاریوں کا نشانہ بنیں گی، انہوں نے ملزم کو کیفرکردار تک پہنچانے کا مطالبہ کیا ہے۔
دوسری جانب ایم ایس گنگا رام اسپتال پروفیسر معین الدین نے کہا ہے کہ یہ صرف ہراسمنٹ کا کیس ہے، ملزم کو پولیس کے حوالے کردیا گیا ہے۔
