جمعیت علما اسلام (جے یو آئی) کے سربراہ مولانا فضل الرحمان نے مدارس بل پر دستخط کے لیے 7 دسمبر کی ڈیڈلائن دے دی۔
یہ بھی پڑھیں صوبے کو مرکز سے لڑانے کے حق میں نہیں، مولانا فضل الرحمان کی خیبرپختونخوا حکومت پر تنقید
سربراہ جے یو آئی سے لاہور میں پارٹی رہنما حافظ بلال درانی نے ملاقات کی، اس موقع پر مدارس بل کے حوالے سے معاملات زیربحث آئے۔
اس موقع پر مولانا فضل الرحمان نے کہاکہ اگر صدر نے 7 دسمبر تک مدارس بل پر دستخط نہ کیے تو 8 دسمبر کو پشاور میں آئندہ کا لائحہ عمل دیں گے۔ پارلیمنٹ سے منظور شدہ مدارس بل پر دستخط نہیں کیے جارہے۔
مولانا فضل الرحمان نے کہاکہ حکومت کی جانب سے اپنی مرضی کی قانون سازی کرلی گئی، بتایا جائے ابھی تک مدارس بل پر دستخط کیوں نہیں کیے گئے۔
یہ بھی پڑھیں خیبرپختونخوا میں گورنر راج لگانے کے حق میں نہیں، پیپلزپارٹی کے بعد مولانا فضل الرحمان کی بھی مخالفت
واضح رہے کہ 26ویں آئینی ترمیم کے وقت مولانا فضل الرحمان کی تجویز پر مدارس بل بھی دونوں ایوانوں سے پاس ہوا تھا، لیکن ابھی تک صدر نے اس پر دستخط نہیں کیے۔
