قومی کرکٹ ٹیم کے تیز رفتار بولر حارث رؤف زخمی ہونے کے باعث پاکستان میں جاری سہ فریقی سیریز کے بقیہ میچز نہیں کھیل پائیں گے۔
یہ بھی پڑھیں: سہ ملکی سیریز: کراچی میں میچز کے دوران جامع سیکیورٹی پلان مرتب کرلیا گیا
یاد رہے کہ 8 فروری کو سہ فریقی سیریز کے پہلے میچ میں نیوزی لینڈ کے خلاف بولنگ کرواتے ہوئے حارث رؤف انجری کا شکار ہو کر اوور مکمل کروائے بغیر کھیل سے باہر ہوگئے تھے۔
ان کی جگہ اب عاکف جاوید کو سہ فریقی سیریز کے لیے قومی ٹیم میں شامل کرلیا گیا ہے۔
یاد رہے کہ اتوار کو پی سی بی اپنی پریس ریلیز میں ایم آر آئی اور ایکسرے اسکین کے بعد اس بات کی تصدیق کی تھی کہ حارث رؤف کو نیوزی لینڈ کے خلاف ہفتے کے روز ہونے والے میچ کے دوران سینے کے نچلے حصے میں موچ آئی۔
مزید پڑھیے: جنوبی افریقہ کے خلاف میچ میں حارث رؤف کی شرکت میڈیکل رپورٹ سے مشروط
کرکٹ بورڈ کا کہنا تھا کہ چوٹ سنگین نہیں ہے اور توقع ہے کہ وہ 19 فروری سے کراچی میں شروع ہونے والی آئی سی سی چیمپئنز ٹرافی 2025 کے لیے مکمل طور پر صحت یاب ہو جائیں گے۔
مزید پڑھیں: سہ ملکی سیریز: فاسٹ بولر حارث رؤف کو پسلیوں میں تکلیف، اوور ادھورا چھوڑ کر گراؤنڈ سے جانا پڑا
تاہم احتیاطی تدابیر اور ان کی جاری بحالی کے حصے کے طور پر وہ 12 فروری کو جنوبی افریقہ کے خلاف اہم میچ کے لیے دستیاب نہیں ہوں گے۔
