ڈراما سیریز میں باکسر کا کردار ادا کرنے کے بعد معروف اداکار فیروز خان نے اب حقیقی طور پر رنگ میں قدم رکھ دیا ہے تاہم وہ اپنے پہلے مقابلے میں رحیم پردیسی سے باکسنگ مقابلہ پوائنٹس کی بنیاد پر ہار گئے ہیں۔
یہ بھی پڑھیں:مائیک ٹائسن بمقابلہ جیک پال: غیر متوقع باکسنگ میچ کیوں کھیلا جا رہا ہے؟
سوشل میڈیا اسٹار رحیم پردیسی نے باکسنگ میچ میں پاکستانی اداکار فیروز خان کو 5 منٹ کے سخت مقابلے کے بعد 1 کے مقابلے میں 4 پوائنٹس سے شکست دے دی ہے۔
دونوں باکسرز کے درمیان زبردست مقابلہ ہوا تاہم فیروز خان نے ایک موقع پر کمزور پڑ گئے جس کے باعث رحیم پردیسی کو جیت کا موقع مل گیا۔
مقابلے کے دوران اگرچہ فیروز خان کے چہرے پر کچھ چوٹیں آئیں لیکن دونوں باکسرز نے میچ کے بعد ہاتھ ملا کر ایک دوسرے کو رخصت کیا، دونوں نے ایک دوسرے کو داد بھی دی۔
مزید پڑھیں:ورلڈ یوتھ باکسنگ: عثمان وزیر کے 2 گھونسے، بھارتی حریف مقابلہ شروع ہوتے ہی ڈھیر
واضع رہے کہ اداکاری کے بعد معروف اداکار فیروز خان ایک بار پھر سرخیوں میں ہیں لیکن اس بار اداکاری کے بجائے پروفیشنل باکسنگ میں انٹری کی وجہ سے وہ سوشل میڈیا پر وائرل ہو رہے ہیں۔
ڈراما سیریز میں باکسر کا کردار ادا کرنے کے بعد فیروز خان نے اب حقیقی طور پر رنگ میں قدم رکھ دیا ہے۔
انہوں نے انسٹاگرام اسٹوری کے ذریعے اپنے مداحوں کے ساتھ اپنے نئے سفر کا حوالہ دیتے ہوئے باکسنگ اور اپنے مستقبل کے منصوبوں کے لیے اپنے جذبے کا اظہار کیا۔
اپنی انسٹاگرام پوسٹ میں فیروز نے کہا کہ یہ میرا نیا گیم پلان ہے۔ میں اپنے باکسنگ کیریئر کا آغاز کر رہا ہوں، میں چاہتا ہوں کہ لوگ فٹنس اور تربیت پر توجہ دیں اور اس اقدام سے ان کھلاڑیوں کے لیے نئے دروازے کھلیں گے جو کھیلوں میں آگے بڑھنا چاہتے ہیں۔
انہوں نے مزید کہا کہ وہ چاہتے ہیں کہ لوگ فٹنس اور کھیلوں کو صرف مشاغل کے طور پر نہیں بلکہ سنجیدگی کے ساتھ کیریئر کے طور پر بھی دیکھیں۔ یہ فیصلہ ان کے لیے ذاتی اہمیت کا حامل ہے اور اس کا مقصد نوجوانوں کو کھیلوں کو آگے بڑھانے کی ترغیب دینا ہے۔
یہ بھی پڑھیں:آئرش باکسر جان کونی مقابلے کے دوران دماغ میں چوٹ لگنے سے جاں بحق
رحیم پردیسی جو سوشل میڈیا پر اپنی مزاحیہ ویڈیوز کے لیے مشہور ہیں، نے فیروز کو باکسنگ میچ کے لیے چیلنج کیا تھا۔ اس کے جواب میں فیروز نے اعتماد کے ساتھ کہا کہ رحیم، میں نے آپ کی کال آؤٹ ویڈیو دیکھی، لیکن یاد رکھیں، جس نے بھی میرا سامنا کیا ہے اس نے میری طاقت کو ضرور محسوس کیا ہوگا۔ آپ کو اپنی صلاحیتوں کو بہتر بنانے کی ضرورت ہوگی کیونکہ میں بہت تیز ہوں۔
