پاکستان پیپلز پارٹی (پی پی پی) کے سینیئر رہنما سعید غنی میڈیا سے گفتگو کے دوران بزرگ شہری کی جانب سے گلے میں ہار ڈالنے پر غصے میں آگئے، اور ان کو جھٹکتے ہوئے ہار توڑ دیا۔
یہ بھی پڑھیں عوامی ایکشن کمیٹی کی جدوجہد: کیا روایتی سیاستدانوں کی سیاست خطرے میں ہے؟
سعید غنی نے غصے سے ہاتھ مار کر پھولوں کا ہار توڑتے ہوئے کہاکہ ابھی میں بات کررہا ہوں۔
اس موقع پر وہاں موجود دیگر لوگوں نے بزرگ شہری کو وہاں سے پیچھے کردیا، اور سعید غنی نے اپنی بات جاری رکھی۔
سعید غنی کی جانب سے بزرگ شہری کو جھڑکنے پر سوشل میڈیا صارفین پی پی رہنما پر شدید تنقید کررہے ہیں۔
یہ بھی پڑھیں پاکستانی سیاستدانوں کے بجائے بل گیٹس، ایلون مسک پیدا کرنا ہیں، فاروق ستار نے ایسا کیوں کہا؟
ویڈیو وائرل ہونے کے بعد سوشل میڈیا صارفین مختلف تبصرے بھی کررہے ہیں، کچھ صارفین کا کہنا ہے کہ سیاستدانوں کو جب ووٹ چاہیے ہوتے ہیں تو ان کا رویہ کچھ اور ہوتا ہے، جبکہ انتخابات کے بعد ان کی نظریں بدل جاتی ہیں۔
