کہتے ہیں زندگی کے تجربے سے عاری ایک بچہ صحت مند زندگی پانے کے معاملے میں بڑوں کی رہنمائی کرسکتا ہے۔
یہ بھی پڑھیں: کیا کافی عرصہ چھوڑ دینے کے بعد گوشت دوبارہ کھانا خطرناک ثابت ہوسکتا ہے؟
صحت کے ماہرین کا کہنا ہے کہ بچوں کی طرح ہر 2 سے 4 گھنٹے بعد کھانا کھانے سے بالغان ایک صحت مند زندگی گزار سکتے ہیں۔
ماہرین کہتے ہیں کہ پہلی غذا میں پروٹین والی اشیا بشمول انڈے، پنیر یا دہی اور فائبر سے بھرپور کاربوہائیڈریٹس جیسے مکمل اناج شامل ہونا چاہیے اور پھل یا سبزیاں بھی اس کے ساتھ شامل کریں تاکہ دن کا آغاز متوازن ہو۔
اس کے بعد 3 سے 4 گھنٹے بعد سبزیوں کا شوربا یا سلاد کھائیں۔ پروٹین کو مکس کریں جیسے پھلیاں، اناج یا گوشت اور توانائی کے لیے نشاستے جیسے روٹی اور پھل لیں۔
ماہرین کا کہنا ہے کہ ایک مختصر غذا دوپہر کے کھانے اور رات کے کھانے کے درمیان مدد گار ثابت ہوتی ہے جو بعد میں زیادہ بھوک محسوس ہونے سے بچاتی ہے۔
ہر کھانے کے لیے 15 منٹ کا دورانیہ
ماہرین کہتے ہیں کہ بچوں کو دودھ پینے میں 15 سے 30 منٹ لگتے ہیں اس لیے بالغوں کو بھی کم از کم 15 منٹ کھانے میں گزارنے چاہییں اور ہر نوالے کو اچھی طرح چبانا چاہیے۔
مزید پڑھیے: وٹامن بی 12 جسم کے لیے کتنا اہم، کن غذاؤں سے حاصل کیا جاسکتا ہے؟
عجلت میں اور جلدی جلدی کھانا کھانے سے دماغ کو بھرپوری کا احساس نہیں ہوتا اور امکان رہتا ہے کہ آپ ضرورت سے زیادہ کھا لیں گے۔
تیزی کے ساتھ کھانے سے ہاضمہ بھی صحیح نہیں رہتا اور یہ معدے کی جلن اور گیس کا باعث بھی بن سکتا ہے۔
کب کھانا چاہیے؟
ماہرین کہتے ہیں کہ جیسے بچے بھوک کی قدرتی علامتوں کو سمجھتے ہیں ویسے ہی بالغوں کو بھی اپنی کی جسمانی بھوک پر توجہ دینی چاہیے اور صرف اس وقت کھانا چاہیے جب انہیں حقیقی طور پر بھوک لگے۔
ان کا کہنا ہے کہ محض بوریت کی وجہ سے یا بلاوجہ کھانے سے پرہیز کرنا چاہیے۔ اس بات کی وضاحت ماہرین اس طرح کرتے ہیں کہ اگر کوئی شخص مٹھائیاں کھانے کا سوچ رہا ہو تو اسے پہلے یہ سوچنا چاہیے کہ آیا وہ کسی فکر میں ہے یا بور ہو رہا ہے۔
مزید پڑھیں: کون سی غذائیں پرسکون نیند لاسکتی ہیں؟
ماہرین کے مطابق اگر انسان حقیقتاً بھوک محسوس نہیں کررہا تو اسے کچھ اور سرگرمی کرنے کی کوشش کرنی چاہیے بجائے اس کے کہ وہ بلاوجہ کوئی شے کھانا شروع کردے۔
تاہم پھر بھی اگر وہ کچھ کھانے کا خواہشمند ہو تو تھوڑا سا کھا سکتا تاکہ اس کی خواہش پوری ہوجائے۔
