پاکستان سعودی پارلیمینٹری فرینڈشپ کمیٹی کے وفد نے منگل کو اسلام آباد میں قومی اسمبلی کا دورہ کیا، اجلاس کے دوران قومی اسمبلی کے سپیکر نے مہمانوں کی گیلری میں بیٹھے وفد کو خوش آمدید کہتے ہوئے ان کا تعارف کروایا۔
یہ بھی پڑھیں: وزیراعظم سے سعودی وفد کی ملاقات، معاشی تعلقات کو فروغ دینے کے لیے گرمجوشی کا اظہار
قومی اسمبلی کے اسپیکر سردار ایاز صادق کی دعوت پر پاکستان کا دورہ کرنے والے اس سعودی وفد کی قیادت سعودی شوریٰ کونسل کے ایک ممتاز رکن میجر جنرل (ر) ڈاکٹر عبدالرحمن بن سہیت العربی کر رہے ہیں۔
During the National Assembly Budget Session 2025, Leader of the opposition, Mr. Omar Ayub Khan warmly welcomed the high-level parliamentary delegation of the Pak-Saudi Parliamentary Friendship Committee of the Saudi Shura Council present in the Speaker’s Gallery.#NASession… pic.twitter.com/kXkMCl9ulZ
— National Assembly 🇵🇰 (@NAofPakistan) June 24, 2025
آج قومی اسمبلی پہچنے پر اسپیکر قومی اسمبلی ایاز صادق نے مہمان وفد کے اراکین کا فرداً فرداً تعارف کراتے ہوئے پرتپاک استقبال کیا، اس موقع پر اپوزیشن لیڈر عمر ایوب نے بھی مہمان وفد کا خیرمقدم کیا، سعودی شوریٰ کونسل کے اراکین ڈاکٹر ایمان بنت عبدالعزیز الجبرین اور انجینئر سالم بن علی الشہری بھی وفد میں شامل ہیں۔
سعودی پاکستان پارلیمینٹری فرینڈشپ کمیٹی کا 3 رکنی وفد دونوں ملکوں کے قانون ساز اداروں کے مابین تعلقات کو مضبوط بنانے کے ایک اہم قدم کے طور پر گزشتہ روز اسلام آباد پہنچا تھا، قومی اسمبلی میں پاکستان سعودی پارلیمانی فرینڈشپ گروپ نے طے شدہ ملاقاتیں بھی کیں۔
مزید پڑھیں:پاکستان سعودی عرب سرمایہ کاری کانفرنس، سعودی وفد کی توجہ کا مرکز کیا تھا؟
پاکستان سعودی پارلیمینٹری فرینڈشپ کمیٹی نے قومی اسمبلی کے بجٹ اجلاس میں شرکت کرکے پاکستان کے پارلیمانی طریقہ کار کے بارے میں معلومات حاصل کیں، مہمان وفد کے اراکین قومی اسمبلی کے اسپیکر سردار ایاز صادق اور سینیٹ کے چیئرمین سید یوسف رضا گیلانی سے بھی ملاقاتیں کریں گے۔
پاکستان سعودی پارلیمینٹری فرینڈشپ کمیٹی کے اس دورے کو دونوں ملکوں کی پارلیمنٹ کے درمیان تعاون بڑھانے کی جانب ایک اہم قدم کے طور پر دیکھا جا رہا ہے ۔
