سعودی وزارت ماحولیات، پانی اور زراعت نے کہا ہے کہ سعودی عرب کی مسلسل کوششیں علاقائی اور بین الاقوامی سطح پر پانی سے متعلق مسائل کے حل میں اس کے اہم کردار کی عکاس ہیں، جو پائیدار پانی کے انتظام اور وسائل کے تحفظ کو فروغ دیتی ہیں۔
مزید پڑھیں: سعودی عرب کی طرف سے خلیجی ممالک کے پیسٹی سائیڈز قانون میں سخت سزاؤں کی تجویز
سعودی عرب نے اتوار کے روز پانی کا عالمی دن منایا، جو ہر سال 22 مارچ کو دنیا بھر میں منایا جاتا ہے۔ اس سال کے موضوع میں پانی اور حفظان صحت کے ذریعے صنفی مساوات کے فروغ پر توجہ دی گئی، جس میں شعور اجاگر کرنے، پانی کے استعمال کو محدود کرنے اور پانی کے ذرائع کے تحفظ کی مہمات شامل ہیں، تاکہ 2030 تک سب کے لیے محفوظ پانی اور حفظان صحت کی سہولیات کو یقینی بنایا جا سکے۔
سعودی اقدامات میں ولی عہد محمد بن سلمان کے فیصلے کے تحت عالمی پانی کی تنظیم کے قیام کا اعلان بھی شامل ہے، جس کا ہیڈکوارٹر ریاض میں ہوگا اور یہ دنیا بھر میں پانی کے چیلنجز کے حل کے لیے بین الاقوامی کوششوں کو یکجا کرے گا۔
مزید پڑھیں: سعودی کابینہ کیجانب سے صدر ٹرمپ کے غزہ امن منصوبے کے اقدامات کا خیر مقدم
مزید برآں، سعودی عرب اگلے سال 11ویں عالمی پانی فورم کی میزبانی کرے گا، جو پانی سے متعلق مسائل کے لیے سب سے بڑا بین الاقوامی اجتماع ہوگا۔
