اسلام آباد میں ریڈ زون کی بندش کے باعث آج (21 اپریل) کو وفاقی آئینی عدالت اور اسلام آباد ہائیکورٹ میں عدالتی سرگرمیاں معطل رہیں گی اور سماعتیں نہیں ہوں گی۔
وفاقی آئینی عدالت کے اعلامیے کے مطابق چیف جسٹس کی ہدایت پر ایک روزہ عدالتی تعطیل کا اعلان کیا گیا ہے، جس کے تحت 21 اپریل کی کاز لسٹ منسوخ کر دی گئی ہے اور کسی بھی مقدمے کی سماعت نہیں ہوگی۔
یہ بھی پڑھیں:جے ڈی وینس کی قیادت میں امریکی وفد ایران سے مذاکرات کے لیے اسلام آباد روانہ ہوگیا، امریکی صدر ڈونلڈ ٹرمپ
میڈیا رپورٹ کے مطابق ریڈ زون میں سیکیورٹی صورتحال اور بندش کے باعث شہریوں اور وکلا کی آمد و رفت متاثر ہونے کا خدشہ ہے، جس کے پیش نظر عدالتوں نے احتیاطی طور پر کام معطل رکھنے کا فیصلہ کیا۔
اعلامیے میں مزید کہا گیا ہے کہ عدالتی عملہ گھروں سے اپنے فرائض انجام دیتا رہے گا جبکہ عدالتی افسران اپنی تعیناتیوں پر موجود رہیں گے۔ تاہم برانچ رجسٹریاں عدالتی و انتظامی امور کے لیے کھلی رہیں گی۔
دوسری جانب رجسٹرار اسلام آباد ہائیکورٹ کے مطابق ریڈ زون کی بندش کے باعث عدالت عالیہ کو بھی 21 اپریل کے لیے بند رکھنے کا فیصلہ کیا گیا ہے۔
