پاکستان سپر لیگ سیزن آٹھ کے مقابلے 13 فروری سے شروع ہوں گے جبکہ آٹھویں سیزن کا فائنل 19 مارچ کو کھیلا جائے گا۔
پی ایس ایل کی پروموشن کے سلسلے میں پاکستان کرکٹ بورڈ نے پوڈ کاسٹ کا سلسلہ شروع کیا ہے، جس میں ٹیمز کے کپتانوں نے اظہار خیال کیا ، کپتان بابراعظم نے نگران وزیر کھیل پنجاب کرکٹر وہاب ریاض سے متعلق گفتگو کرتے ہوئے کہا وہاب ریاض کافی تجربے کار کھلاڑی ہیں مگر جب کھیلنے کیلئے آئیں گے تو انہیں ’’تھوڑا ٹائٹ ‘‘کرنا پڑے گا۔
انہوں نے کہا کہ وہاب ریاض فاسٹ بولر ہیں وہ کافی اچھی طریقے سے کرکٹ سمجھتے ہیں، کوشش کریں گے کہ وہ اچھا چلیں، نہیں تو انہیں ٹائٹ کرنا پڑے گا۔ کبھی کبھار ان سے نرمی گرمی ہوجاتی ہے ۔
