سستے اسمارٹ گلاسز مارکیٹ میں لانے کی تیاریاں، کیا اب اسمارٹ فونز کا دور ختم ہونے والا ہے؟

میٹا پلیٹ فارمز اور ایسِلس لکسوٹیکا نے اے آئی ٹیکنالوجی سے لیس سستے اسمارٹ شیشوں کی نئی رینج پیش کر دی ہے، جو کمپنی کے پہلے ری-بین (Ray-Ban) اسمارٹ ویئر ایبلز کی کامیابی پر مبنی ہے۔

نئے ‘Meta Glasses’ کی ابتدائی قیمت 299 ڈالر رکھی گئی ہے جو گزشتہ سال متعارف کرائے گئے 800 ڈالر مالیت کے ری-بین ڈسپلے شیشوں کے مقابلے میں نمایاں طور پر کم ہے۔

یہ بھی پڑھیں: اے آئی کے باعث سوچنے کی صلاحیت متاثر، سافٹ ویئر انجینیئرز بھی خود کو بے مقصد تصور کرنے لگے

فیس بک کی مالک کمپنی نے ’پرسنل انٹیلیجنس‘ کے تصور پر اربوں ڈالر کی سرمایہ کاری کی ہے اور اس بات پر شرط لگائی ہے کہ جدید آلات اور الیکٹرانکس کے ذریعے اے آئی کے فوائد عام صارفین تک پہنچائے جا سکتے ہیں۔

اگرچہ یہ شیشے لکسوٹیکا کے ساتھ مل کر بنائے گئے ہیں لیکن یہ پہلی بار ہے کہ اس نئی رینج کو کمپنی کے مشہور برانڈز جیسے ری-بین یا اوکلی کے نام سے منسلک نہیں کیا گیا۔

یہ بھی پڑھیں: اے آئی چشمے: سہولت کے ساتھ غلط معلومات اور پرائیویسی کے خدشات بھی سامنے آگئے

یہ شیشے نئے رنگوں اور مختلف ڈیزائنز میں پیش کیے گئے ہیں جن میں ایک مستطیل (rectangle) اسٹائل اور میڈیا شخصیت کائلی جینر کے ساتھ مل کر بنایا گیا سلم اوول فریم کلیکشن بھی شامل ہے۔

یہ پہلی بار ہے کہ میٹا کے اے آئی شیشے ‘Meta AI powered by Muse Spark’ کے ساتھ لانچ کیے گئے ہیں، جو کمپنی کی Superintelligence Labs کا پہلا ماڈل ہے۔

یہ بھی پڑھیں: گوگل اور اسپیس ایکس کے درمیان 30 ارب ڈالر کا تاریخی اے آئی معاہدہ

میٹا کے اسمارٹ شیشوں کی کامیابی نے دیگر ٹیک کمپنیوں جیسے گوگل اور ایپل کو بھی ایسے ہی آلات بنانے پر غور کرنے پر مجبور کیا ہے۔

بین الاقوامی ڈیٹا کارپوریشن کے مطابق گزشتہ سال عالمی سطح پر اسمارٹ شیشوں کی ترسیل 9.6 ملین یونٹس تک پہنچ گئی جن میں سے تقریباً 76.1 فیصد حصہ میٹا کے پاس تھا۔

یہ اعلان اس وقت سامنے آیا ہے جب ایک ہفتہ قبل اسنیپ چیٹ کی مالک کمپنی Snap نے بھی ایک مہنگے $2,195 والے اگمینٹڈ ریئلٹی شیشوں کا اعلان کیا تھا۔ تاہم اسنیپ کے شیشے حقیقی دنیا پر ڈیجیٹل مواد اوورلے کرتے ہیں جبکہ میٹا کے شیشے ٹیکسٹ اور اے آئی تعامل کے لیے ڈیزائن کیے گئے ہیں۔