برطانوی شہزادے ہیری اور ان کی اہلیہ میگن مارکل کے بچوں، پرنس آرچی اور پرنسس للی بیٹ کی اس موسمِ گرما میں پہلی بار برطانیہ آمد متوقع ہے، تاہم دورے کے دوران ان کی اپنے کزنز سے ملاقات کے امکانات انتہائی کم دکھائی دے رہے ہیں۔
شاہی مبصرین کے مطابق جولائی کے وسط میں لندن آنے والے ان بچوں کی اپنے کزنز، یعنی شہزادہ ولیم اور کیٹ مڈلٹن کے بچوں (پرنس جارج، پرنس لوئس اور پرنسس شارلٹ) سے ملاقات کا کوئی امکان نہیں کیونکہ ویلز ہاؤس ہولڈ کے موسمِ گرما کے منصوبے پہلے ہی طے ہوچکے ہیں۔
View this post on Instagram
شاہی امور کی ماہر امنڈا مٹا کا اپنے پوڈ کاسٹ میں کہنا تھا کہ اگر دونوں خاندانوں کے تعلقات میں بتدریج بہتری آبھی رہی ہو، تب بھی کزنز کی اس ملاقات کے لیے غیرمعمولی منصوبہ بندی اور دونوں اطراف سے شدید خیر سگالی کی ضرورت ہوگی۔
دوسری جانب شاہی رپورٹر ایملی نیش نے واضح کیا ہے کہ دونوں بھائیوں کے درمیان طویل عرصے سے جاری شدید کشیدگی اس ملاقات میں سب سے بڑی رکاوٹ ہے کیونکہ بنیادی مسئلہ یہ ہے کہ ولیم اور ہیری ایک دوسرے سے بات تک نہیں کررہے۔
یہ بھی پڑھیں: ’آخری سالوں کو میرے لیے عذاب نہ بناؤ‘، کنگ چارلس کی شہزادہ ہیری سے صلح کی خواہش سامنے آگئی
ان کا مزید کہنا تھا کہ بچوں کو ایک دوسرے سے ملوانے سے پہلے دونوں بھائیوں کے مابین تعلقات کا بحال ہونا سب سے اہم ہے، جبکہ ان کے والد کنگ چارلس بھی دونوں بیٹوں کے اس دیرینہ جھگڑے میں پڑنے سے گریز کررہے ہیں۔
کنگ چارلس کی تمام تر توجہ طویل عرصے بعد اپنے بیٹے ہیری اور پوتے پوتی سے وقت گزارنے پر مرکوز ہے، جبکہ ہیری اور میگن نے 10 سے 17 جولائی کے دورے کے دوران کراؤن اسٹیٹ کی جانب سے شاہی رہائش گاہ میں قیام کی پیشکش قبول کرلی ہے۔
