اداکارہ اور سابق ماڈل جیا علی نے معروف اداکارہ ہانیہ عامر کے بارے میں گفتگو کرتے ہوئے ان کے رویے پر تنقید کی ہے جس پر ہانیہ عامر نے بھی سوشل میڈیا پر طنزیہ انداز میں جواب دے دیا۔
جیا علی نے حال ہی میں ایک ٹی وی پروگرام میں شرکت کی جہاں ان سے ہانیہ عامر اور درِفشاں سلیم میں سے کسی ایک اداکارہ کا انتخاب کرنے کو کہا گیا۔
View this post on Instagram
جیا علی نے ہانیہ عامر کا انتخاب کرتے ہوئے انہیں بہترین اداکارہ اور پاکستان کا چہرہ قرار دیا تاہم ساتھ ہی ان کے رویے پر تبصرہ کرتے ہوئے کہا کہ ہانیہ عامر ’آؤٹ آف کنٹرول‘ ہورہی ہیں۔
اداکارہ کا کہنا تھا کہ ہانیہ عامر ایک باصلاحیت فنکارہ ہیں اور پاکستان کی نمائندگی کرتی ہیں اس لیے انہیں اپنے رویے کا بھی خیال رکھنا چاہیے۔
جیا علی کے اس بیان پر ہانیہ عامر نے بھی سوشل میڈیا پر مختصر مگر طنزیہ ردِعمل دیا۔ انہوں نے جیا علی کے الفاظ دہراتے ہوئے لکھا ’آؤٹ آف کنٹرول ہوگئی۔‘
View this post on Instagram
دونوں اداکاراؤں کے درمیان اس مختصر تبادلے نے سوشل میڈیا صارفین کی توجہ حاصل کرلی جہاں جیا علی کے بیان پر صارفین کی آرا منقسم دکھائی دیں۔
کچھ صارفین نے جیا علی کے مؤقف کی حمایت کرتے ہوئے کہا کہ وہ ہانیہ عامر کے حوالے سے درست بات کررہی ہیں جبکہ ہانیہ عامر کے مداحوں نے اپنی پسندیدہ اداکارہ کا دفاع کیا۔
یہ بھی پڑھیں: ’خواتین عوامی ملکیت نہیں‘، ہانیہ عامر کا تضحیک آمیز مواد بنانے والوں کو کرارا جواب
ایک صارف نے ہانیہ عامر کی مقبولیت کا حوالہ دیتے ہوئے لکھا کہ ہانیہ کے نام کے بغیر کوئی بھی شو ادھورا محسوس ہوتا ہے جبکہ ایک اور صارف نے طنزیہ انداز میں تبصرہ کیا کہ ’ایسے ہی لوگوں کے لیے ہانیہ نے گانا بنایا تھا۔‘
جیا علی کے بیان اور ہانیہ عامر کے طنزیہ جواب کے بعد یہ معاملہ سوشل میڈیا پر مداحوں اور صارفین کے درمیان بحث کا موضوع بن گیا ہے۔
