خیبرپختونخوا میں گورنر راج کے قیام کو ’یومِ نجات‘ قرار دیتے ہوئے کوئٹہ میں جشن منایا گیا۔ پاکستان پیپلز پارٹی کے صوبائی وزیر علی مدد جتک کی زیرِ اہتمام ریلی نکالی گئی، جس میں کارکنوں نے پاکستانی پرچم اٹھا کر ڈھول کی تھاپ پر خوشی کا اظہار کیا۔
یہ بھی پڑھیں:خیبرپختونخوا میں ایمرجنسی کے فیصلے کو شہریوں نے ’یومِ نجات‘ قرار دے دیا، مٹھائیاں تقسیم
ریلی سے خطاب کرتے ہوئے علی مدد جتک نے کہا کہ پی ٹی آئی ملک کے لیے فتنہ بن چکی ہے اور گورنر راج کے قیام سے خیبرپختونخوا کے عوام کو اس فتنے سے نجات ملی ہے۔
ان کا کہنا تھا کہ پی ٹی آئی پاکستان کو معاشی طور پر غیر مستحکم کرنا چاہتی ہے اور اس کی سیاست سے ملک کی ترقی متاثر ہو رہی ہے۔ انہوں نے کہا کہ پاکستان ہے تو ہم ہیں اور ہماری سیاست بھی ہے۔
