اتائی ڈاکٹروں کے دھندے کے باعث جہاں آئے روز غلط دوائیں تجویز کرنے یا غلط انجیکشن لگانے کے باعث لوگوں کی اموات کے واقعات سامنے آتے ہیں وہیں اب لوگوں کو قتل کرنے کا سلسلہ بھی شروع ہو گیا ہے۔
پنجاب کے علاقے سمبڑیال میں خاتون ملزمہ نے اتائی ڈاکٹر کے ساتھ مل کر حاملہ خاتون کو قتل کیا اور اس کا پیٹ چاک کر کے بچہ نکال لیا، مگر نومولو بھی جانبر نہ ہو سکا۔
مزید پڑھیں
پولیس نے بتایا ہے کہ حاملہ خاتون اتائی ڈاکٹر کے پاس انجیکشن لگوانے گئی تھی جہاں پر موجود دوسری خاتون نے اتائی کے ساتھ مل کر حاملہ خاتون کو قتل کر کے اس کا پیٹ چاک کر کے بچہ نکال لیا۔
پولیس نے ملزمہ خاتون، اتائی ڈاکٹر اور اس کی بیوی کو حراست میں لے لیا ہے۔
پولیس نے بتایا کہ ملزمہ خاتون اپنی بے اولاد بیٹی کے لیے بچہ حاصل کرنا چاہتی تھی، اس نے حاملہ خاتون کی لاش صندوق میں چھپا دی تھی اور محلے کے لڑکوں کی مدد سے صندوق کو اپنےگھر منتقل کیا۔
پولیس کا کہنا ہے کہ نومولود بچےکی لاش کو سیو وال کے قبرستان میں دفنایا گیا، قبرستان سے بچے کی لاش بھی برآمد کرلی گئی ہے۔ خاتون کے شوہر نے گمشدگی کی رپورٹ درج کرائی تھی، جس کے بعد کارروائی کی گئی، اس دوران ملزم رحیم اللہ کو حراست میں لے لیا گیا ہے اور مزید کارروائی جاری ہے۔
