بھارتی افواج کا لاہور، سلیمانکی، فیروز پور پر حملہ ناکام، بھارت کو ہر محاذ پر بھاری نقصان کا سامنا: بھارتی ترجمان

بھارت نے پاکستان کو جنگ کا دائرہ مشرقی پاکستان تک بڑھانے کی دھمکی دی

7ستمبر کو پاک بھارت جنگ کے بھارتی ترجمان نے اعتراف کیا کہ بھارتی افواج کا لاہور، سلیمانکی، فیروز پور پر حملہ ناکام رہا ہے اور بھارت کو ہر محاذ پر بھاری نقصان کا سامنا ہے۔

7 ستمبر کو 31 بھارتی طیارے تباہ ہوئے اور جنگ کے دوران بھارت کے تباہ ہونے والے جنگی جہازوں کی  کل تعداد 53 ہوگئی۔

صدر ایوب خان نے پاک فضائیہ کو شاندار کارکردگی پر خراج تحسین پیش کرتے ہوئے کہا تھا کہ

’صرف استصواب رائے ہی کشمیر میں امن لا سکتا ہے۔‘

ترجمان کشمیر انقلابی کونسل نے بھارت کو خبردار کیا کہ ’کشمیری بھارتی عزائم کو خاک میں ملا دیں گے۔‘

7ستمبر 1965ء کو پاک فوج کے کمانڈر ان چیف جنرل موسیٰ نے ریٹائر ہونے والے پاک فوج کے تمام افسران اور سپاہیوں کو ڈیوٹی پر حاضر ہونے کا حکم دیا۔

گورنر پنجاب ملک امیر محمد خان نے اس موقع پر کہا تھا کہ ’فتح ہمارا مقدر ہے۔‘

بھارت کی مشرقی پاکستان پر حملے کی دھمکی پر مشرقی پاکستان کے گورنر عبدالمنعم خان نے بھارت کو دھمکی دی کہ ’مشرقی پاکستان میں جارحیت پر بھارت کو بد ترین نتائج بھگتنا ہوں گے۔‘

پاک بحریہ کے چیف ایڈمرل اے آر خان نے بحری افواج کے نام پیغام میں کہا کہ کہ ’قوم کی توقعات پر پورا اتریں۔

بھارت کی دھمکی کے بعد مشرقی پاکستان میں پاکستان نیول شپس بابر، خیبر، بدر، جہانگیر، عالمگیر، شاہ جہاں اور ٹیپو سلطان کو 7ستمبر شام 6 بجے دوارکا لائٹ ہاؤس سے 120 میل اور 293 ڈگری پر پوزیشن سنبھالنے کا حکم دے دیا گیا۔

پاکستان نیوی نے کامیابی سے بھارت کا ریڈار اسٹیشن تباہ کر دیا جو بھارت نے پاکستان پر بمباری کرنے والے جنگی جہازوں کی مانیٹرنگ کے لیے قائم کیا تھا۔

جنگ1965ء میں  کشمیر میں جوڑیاں سیکٹر میں شاندار بہادری کا مظاہرہ کرنے والے پاک فوج کے میجر جنرل اختر حسین کو بعدازاں ہلالِ  جرأت سے نوازا گیا۔

صدر ایوب خان نے اقوامِ متحدہ کے سیکرٹری جنرل یوتھانٹ سے مطالبہ کیا کہ کشمیریوں سے کیے گئے وعدے پورے کیے جائیں۔

دوسری جانب پاکستان نے سکھ برادری کو یقین دہانی کروائی کہ سکھوں کے مقدس مقامات کی حرمت ہر صورت برقرار رکھی جائے گی۔