سینیٹر سیف اللہ ابڑو نے کہا ہے کہ ’میں نے پارٹی کے ضابطہ اخلاق یا قواعد کی خلاف ورزی نہیں کی، میں شوکاز نوٹس کو مسترد کرتا ہوں۔
سوشل میڈیا پلیٹ فارم ایکس پر اپنی پوسٹ میں سینیٹر سیف اللہ ابڑو نے مزید کہا کہ ’میں نے این اے 194 سے پی ڈی ایم مخالف اتحاد کی حمایت کے لیے ایک مضبوط امیدوار کے لیے دستبرداری اختیار کی ہے، جو اب صرف پیپلز پارٹی ہے۔ اس حلقے سے پی ڈی ایم کے امیدوار راشد سومرو بھی میدان میں ہیں۔
مزید پڑھیں
یاد رہے کہ گزشتہ روز ہی پاکستان تحریک انصاف (پی ٹی آئی) نے بلاول بھٹو کی حمایت کرنے پر سینیٹر سیف اللہ ابڑو کو شوکاز نوٹس جاری کیا تھا، اور 3 روز میں شوکاز کا تحریری جواب دینے کی ہدایت کی گئی تھی۔
نوٹس میں کہا گیا تھا کہ پارٹی نے آپ کو سینیٹ اور جنرل الیکشن کے لیے ٹکٹ جاری کیا، لیکن آپ نے پارٹی پالیسی سے انحراف کیا، کیوں نہ آپ کے خلاف تادیبی کارروائی کی جائے؟
I didn’t violate the Party’s Code of Conduct or Rules, I have withdrawn from NA-194 for a Strong Candidate to Support Anti-PDM Alliance, which is only PPP Rightnow. PDM’s Candidate Rashid Soomro is contesting too from this constituency.
at last I Reject Show-Cause Notice… https://t.co/5GVojho2FB
— Senator Saifullah Abro (@SaifullahA_PTI) January 26, 2024
واضح رہے کہ پاکستان تحریک انصاف کے سینیٹر سیف اللہ ابڑو نے گزشتہ روز (جمعہ) پاکستان پیپلزپارٹی کے چیئرمین بلاول بھٹو زرداری سے بلاول ہاؤس لاہور میں ملاقات کی تھی، جس میں سیف اللہ ابڑو نے لاڑکانہ کی قومی اسمبلی کے حلقے این اے 194 سے بلاول بھٹو کے حق میں الیکشن سے دستبردار ہونے کا اعلان کیا تھا۔