بلوچستان کے ضلع ژوب میں واقع ٹرک اڈے پر کھڑے ایک آئل ٹینکر اور کوئلے سے لدے ٹرک میں اچانک آگ بھڑک اٹھی، جس کے نتیجے میں افراتفری مچ گئی اور متعدد افراد زخمی ہو گئے۔
واقعے کی اطلاع ملتے ہی پولیس اور فائر بریگیڈ کی ٹیمیں فوری طور پر جائے وقوعہ پر پہنچ گئیں اور آگ پر قابو پانے کے ساتھ ساتھ کولنگ کے عمل میں حصہ لیا۔
یہ بھی پڑھیں: بلوچستان، دہشتگردوں کے آگے ہتھیارڈالنے کے الزام میں 15 لیویز اہلکار برطرف
فائر بریگیڈ کی انتھک کوششوں کے بعد آگ کو مزید پھیلنے سے روک لیا گیا۔
آگ لگنے کے اس افسوسناک واقعے میں 16 افراد زخمی ہوئے، جن میں سے 6 کی حالت تشویشناک بتائی جا رہی ہے۔
مزید پڑھیں: بلوچستان ہاؤس کراچی میں ملازموں کی بھرمار، حیرت انگیز حقائق سامنے آگئے
زخمیوں میں ٹرک اور آئل ٹینکر کا عملہ، فائر بریگیڈ کے اہلکار اور پولیس ملازمین بھی شامل ہیں۔
زخمیوں کو فوری طور پر قریبی اسپتال منتقل کر دیا گی، جبکہ واقعے کی وجوہات جاننے کے لیے تحقیقات شروع کر دی گئی ہیں۔
