آج کے جدید دور میں ریفریجریٹر تقریباً ہر گھر کی ضرورت بن گیا ہے،اور یہ تقریباً ہر گھر میں موجود ہوتاہے۔لیکن کیا آپ جانتے ہیں کے ریفریجریٹر کو دیوار کے قریب رکھنے سے کچھ مسائل کا سامنا کرنا پڑ سکتا ہے۔
ریفریجریٹر میں موجود کنڈینسر کوائلز کا مقصد ریفریجریٹر کی باہر سے گرمی کو ختم کرنا ہوتا ہے تا کہ اندرونی حصہ ٹھنڈا رہے۔
ایسے ریفریجریٹر بھی موجود ہیں جن میں ریفریجریٹر کوائلز ریفریجریٹر کے نچلےحصے میں منتقل کر دی گئی ہیں۔لیکن ریفریجریٹرز کی دونوں قسمیں اب بھی استعمال کی جا رہی ہیں۔
دونوں قسم کے ریفریجریٹر کوائلز کو کچن یا گھر میں موجود دوسرے آلات اور دیوار کے درمیان فاصلے کی ضرورت ہوتی ہے۔
کوائلز کا کام ریفریجریٹر کی حرارت کو ختم کرنا ہوتا ہے اور اس کے لئے ریفریجریٹرز کو خشک دیواروں کے سامنے رکھ دینا ایک مسئلہ بن سکتا ہے۔
ریفریجریٹر کو اگر آپ دیوار کے سامنے رکھ رہے ہیں تو اس دیوار اور ریفریجریٹر کے درمیان کافی فاصلہ ہونا چاہیے، تاکہ ریفریجریٹر سے نکلنے والی حرارت دیواروں پر نہ پڑے اور کنڈینسر کوائلز اپنا کام موثر طریقے سے انجام دے سکیں۔
ریفریجریٹر اور دیوار کے درمیان کتنا فاصلہ ہونا چاہیے؟
ریفریجریٹر اور دیوار کے درمیان کم سے کم 2انچ کا فاصلہ ہونا ضروری ہے۔
اگر آپ کے پاس ایسا ریفریجریٹر ہے جس کی کنڈینسر کوائلز عقب میں موجود ہیں تو آپ کو اپنے ریفریجریٹر کو حرارت سے بچانے کے لئے 2انچ فاصلے کی ضرورت ہے اور اگر کوائلز فریج کے نچلے حصے میں موجود ہیں تو ایک انچ کا فاصلہ کافی ہے۔
اگر آپ چاہتے ہیں کہ آپ کا ریفریجریٹر موثر طریقے سے کام کرے، جلنے سے بچے اور طویل عرصہ تک چلے تو اسے ایسی جگہ رکھیں جہاں اس کے ارد گرد سے ہوا کا گزر ہو سکے۔
اگر آپ کا ریفریجریٹر دیوار کے بہت قریب پڑا ہے تو وہ زیادہ گرم اور خراب ہو سکتا ہے۔
ریفریجریٹر کے حوالے سے کسی بھی پریشانی سے بچنے کے لئے آپ کا یہ سمجھنا ضروری ہے کہ اسے دیوار سے صحیح فاصلے پر کیسے رکھا جائے؟
ریفریجریٹر کے کمپریسر کے لیے ہوا کا گردش کرنا ضروری ہے، جو آپ کے ریفریجریٹر کو ٹھنڈا رکھتا ہے۔
اگر ریفریجریٹر ایسی جگہ پڑا ہو جہاں سے ہوا کا گزر کم ہوتا ہے تو کمپریسر زیادہ گرم ہو جائے گا اور کام کرنا بند کر دے گا، اسی وجہ سے یہ بھی ممکن ہے کہ آپ کے ریفریجریٹر میں موجود کھانے جلد خراب ہو جائیں۔
