سوشل میڈیا پر جھوٹے پروپیگنڈے کے ذریعے انتشار پھیلانے والے 11 ملزمان کو جوائنٹ انویسٹیگیشن ٹیم (جے آئی ٹی) نے نوٹس جاری کردیے ہیں۔
آئی جی اسلام آباد علی ناصر رضوی نے سوشل میڈیا پر جھوٹے پروپیگنڈے کے ذریعے ملک میں انتشار پھیلانے کی کوشش کرنے والے 11 ملزمان کو نوٹس جاری کردیے ہیں۔
یہ بھی پڑھیں: ریاست کے خلاف پروپیگنڈا: وزیراعظم نے ذمہ داروں کا تعین کرنے کے لیے ٹاسک فورس قائم کردی
میڈیا رپورٹس کے مطابق سوشل میڈیا پر جرائم کی روک تھام کے لیے ایکٹ 2016 کے سیکشن 30 کے مطابق وفاقی حکومت نے آئی جی اسلام آباد کے ماتحت مشترکہ تحقیقاتی ٹیم (جے آئی ٹی) بنائی ہے، آئی جی اسلام آباد نے ملزمان کو جے آئی ٹی کے سامنے طلب کرلیا ہے، ملزمان نے سوشل میڈیا پر جھوٹے پروپیگنڈے کے ذریعے پاکستان میں انتشار پھیلایا۔
سوشل میڈیا پر جھوٹا پروپیگنڈا – آئی جی اسلام آباد نے11 ملزمان کو نوٹسز جاری کر دیے
نوٹسز ملزم صبغت اللہ ورک، محمد ارشد، عطاالرحمان، اظہر مشوانی ، عروسہ ندیم شاہ ، محمد علی ملک ، شاہ زیب ورک، موسی ورک ، اکرام کٹھانہ، تقویم صدیق اور محمد نعمان افضل کو جاری کئے گئے , ذرائع
نوٹس… pic.twitter.com/biYB1zkaru
— PTV News (@PTVNewsOfficial) December 24, 2024
نوٹسز ملزم صبغت اللہ ورک، محمد ارشد، عطاالرحمان، اظہر مشوانی، عروسہ ندیم شاہ ، محمد علی ملک، شاہ زیب ورک، موسی ورک، اکرام کٹھانہ، تقویم صدیق اور محمد نعمان افضل کو جاری کیے گئے ہیں۔
یہ بھی پڑھیں: سوشل میڈیا پر جھوٹا پروپیگنڈا، مزید 4 ملزمان کو نوٹسز جاری
جے آئی ٹی ملزمان اور ان کے ساتھیوں کے پروپیگنڈے کے پسِ پردہ مقاصد کا تعین کرنے کے لیے تحقیقات کر رہی ہے، مزید مجرموں کی شناخت اور ان کے خلاف قوانین کے تحت کارروائی کی جا رہی ہے، جے آئی ٹی کے پاس ملزمان کے خلاف ٹھوس شواہد بھی موجود ہیں۔
