قومی ہاکی ٹیم ہاکی ورلڈ کپ میں شرکت کے لیے لاہور سے نیدرلینڈز روانہ ہوگئی ہے۔
ہاکی ورلڈ کپ 15 سے 30 اگست تک نیدرلینڈز اور بیلجیئم میں کھیلا جائے گا، جس میں پاکستان کی ٹیم بھی شرکت کرے گی۔
یہ بھی پڑھیں: پاکستان ہاکی ٹیم 8 برس بعد ورلڈ کپ میں پہنچ گئی، محسن نقوی کی کھلاڑیوں کو مبارکباد
پاکستان ہاکی فیڈریشن نے ورلڈ کپ سے قبل کھلاڑیوں کے لیے 2 کروڑ روپے کا الاؤنس جاری کردیا ہے جبکہ غیرملکی یومیہ الاؤنس بھی کھلاڑیوں کے اکاؤنٹس میں منتقل کردیا گیا ہے۔
فیڈریشن کے مطابق قومی ٹیم کے تمام انتظامی اور سفری معاملات مکمل کرلیے گئے ہیں۔ کھلاڑیوں اور کوچز کے سفر، رہائش اور کھانے کا بھی انتظام کیا گیا ہے۔
یہ بھی پڑھیں: قومی ہاکی ٹیم نے پہلے ٹیسٹ میچ میں جنوبی کوریا کو 1-3 سے شکست دے دی
پاکستان ہاکی فیڈریشن کے سیکریٹری محمد یاسین وانی نے کہا کہ کھلاڑیوں اور کوچز کی فلاح و بہبود فیڈریشن کی اولین ترجیح ہے، ٹیم کی روانگی سے قبل تمام مالی اور انتظامی معاملات مکمل کرلیے گئے ہیں۔
قومی ہاکی ٹیم ورلڈ کپ میں بہتر کارکردگی اور کامیابی کے عزم کے ساتھ میدان میں اترے گی، پاکستان اور بھارت کی ٹیمیں 19 اگست کو مدمقابل ہوں گی۔
