وزیراعلیٰ پنجاب مریم نواز کی جانب سے سرکاری طیارے پر لندن جانے کے اخراجات کی مد میں 2 کروڑ 71 لاکھ 94 ہزار 4 روپے کا چیک دیے جانے کے معاملے پر وزیر اطلاعات پنجاب عظمیٰ بخاری نے فواد چوہدری کو جواب دے دیا ہے۔
یہ بھی پڑھیں: مریم نواز کے دورہ لندن کا تمام خرچ ان کی اپنی جیب سے ادا کیا گیا، عظمیٰ بخاری کی وضاحت
عظمیٰ بخاری نے کہا ہے کہ چیک پر کلیئرنگ کی تاریخ کو لے کر خواہ مخواہ پروپیگنڈا کیا جارہا ہے۔
انہوں نے کہا کہ فواد چوہدری کی جہالت کا جواب گروک نے ہی دے دیا، پاکستان میں معمول کے مطابق چیک کی کلیئرنگ اگلے روز ہوتی ہے۔
عظمیٰ بخاری نے کہا کہ یہ بینکوں کا معیاری طریقہ کار ہے، بینکوں میں رقم جمع ہونے کے بعد کلیئرنس اگلے دن ہی ہوتی ہے۔
یہ بھی پڑھیں: مریم نواز کا دورہ لندن، سرکاری طیارے کے مبینہ استعمال کا معاملہ پنجاب اسمبلی میں اٹھا دیا گیا
واضح رہے کہ وزیراعلیٰ پنجاب مریم نواز کے سرکاری طیارے پر لندن جانے کے معاملے میں مریم نواز نے طیارے کے اخراجات کی مد میں 2 کروڑ 71 لاکھ 94 ہزار 4 روپے کا چیک دیا ہے، جس کیش ہونے کی تاریخ کل ہے۔
عظمیٰ بخاری نے فواد چوہدری کو مخاطب کرتے ہوئے کہا کہ جو 55 روپے فی کلومیٹر ہیلی کاپٹر چلواتا تھا اور جس کے لیڈر نے اربوں روپے لگا دیے، وہ تو چپ ہی رہے تو بہتر ہے۔
