دوران حراست علی امین گنڈاپور کے بال کس نے کاٹے تھے؟ بالآخر پی ٹی آئی رہنما نے بتادیا

وزیراعلیٰ خیبرپختونخوا و مرکزی رہنما پی ٹی آئی علی امین گنڈاپور کو گزشتہ برس اپریل میں گرفتار کیا گیا تھا اور اس دوران ان کی زلفیں کاٹ دی گئی تھیں۔

حال ہی میں نجی ٹی وی کو دیے گئے انٹرویو کے دوران جب اینکر نے ان سے پوچھا کہ آپ کے بال کس نے کاٹے تھے تو علی امین گنڈاپور نے کہاکہ بال میں نے خود کاٹے تھے کیونکہ گرمی لگ رہی تھی۔

علی امین گنڈاپور نے کہاکہ میرے ساتھ دوران حراست جو کچھ ہوا میں نے خاندان کے کسی فرد کو نہیں بتایا کیونکہ میں نفرتوں میں اضافہ نہیں کرنا چاہتا۔

انہوں نے کہاکہ ہمارے کلچر کے مطابق نسلوں تک دشمنیاں نبھائی جاتی ہیں، لہٰذا میں نہیں چاہتا کہ کل میرا بیٹا کسی پوزیشن پر پہنچے تو وہ ان لوگوں کو ڈھونڈتا پھرے جنہوں نے میرے ساتھ زیادتیاں کیں۔

واضح رہے کہ علی امین گنڈاپور کو گزشتہ برس اپریل میں گرفتار کیا گیا تھا اور اس دوران ان کے بال کاٹ دیے گئے تھے۔