منشیات فروشی کے الزام میں گرفتار کوکین کی مبینہ بہت بڑی سپلائر انمول عرف پنکی کا تیسرا آڈیو میسج منظر عام پر آ گیا ہے جس میں وہ ایک کسٹمر کو مال کی خصوصیات اور قیمت سے آگاہ کرتے ہوئے حاصل کرنے کا طریقہ کار سمجھا رہی تھیں۔
یہ بھی پڑھیں: انمول عرف پنکی کے اہلخانہ کے بھی منشیات فروشی میں ملوث ہونے کا انکشاف
اس آڈیو میں پنکی کو منشیات کے لین دین کے دوران کسٹمر سے بات کرتے سنا جا سکتا ہے۔ ملزمہ آڈیو میں کسٹمر سے کہتی ہیں کہ یہ مال جو (چھوٹی سی) گولڈن ڈبیا میں ہے بہت اچھی کوالٹی کا ہے اور اس کو ہم نے خاص خریداروں کے لیے الگ سے سنبھال کر رکھا ہوا ہے۔
More messages sent to cocaine dealer Anmol Pinky's customers have come to light. pic.twitter.com/XaYbDY8sEL
— Ihtisham Ul Haq (@iihtishamm) May 14, 2026
پنکی کا کہنا تھا کہ ویسے تو یہ 30 ہزار روپے کا ہے لیکن آپ کے لیے صرف 25 ہزار روپے ہوں گے۔ ان کا مزید کہنا تھا کہ وہ ایک فون نمبر دے رہی ہیں جس پر کال کر اکاؤنٹ نمبر لیا جاسکتا ہے اور جیسے ہی پیمنٹ بھیجی جائے گی خریدار کے پاس مال 10 منٹ کے اندر پہنچ جائے گا۔
مزید پڑھیے: منشیات کیس: انمول عرف پنکی کے نیٹ ورک اور ترسیل کے طریقے بے نقاب
تاہم پنکی نے یہ بھی ہدایت کی کہ رقم کا اسکرین شاٹ بھیج دیں دیے گئے نمبر پر بھیج دیں۔ ان کا کہنا تھا کہ ان کے پاس جو یہ ’گولڈن اسٹف‘ ہے وہ بہت زبردست چیز ہے۔
واضح رہے کہ اس سے قبل بھی پنکی کی کچھ آڈیوز منظر عام پر آ چکی ہیں۔
مزید پڑھیں: وزیراعلیٰ پنجاب مریم نواز کا بڑا ایکشن، ’پنکی نیٹ ورک‘ کی مکمل رپورٹ طلب
یاد رہے کہ کراچی میں گارڈن پولیس نے کارروائی کے دوران منشیات فروش خاتون کو گرفتار کیا تھا جن کے قبضے سے کروڑوں روپے مالیت کی کوکین اور دیگر نشہ آور اشیا برآمد ہوئی تھیں۔
